Luister naar het Audioboek: Van den Vos Reynaerde door Onbekend

VAN DEN VOS REYNAERDE

HANDSCHRIFT A

Willem, die Madoc maecte, Daer hi dicken omme waecte, Hem vernoyde so haerde Dat die auonture van Reynaerde In dietsche onghemaket bleuen (Die Willem niet heuet vulscreuen), Dat hi die vijte van Reynaerde dede soucken Ende hise na den walschen boucken In dietsche dus heuet begonnen. God moete ons ziere hulpen jonnen!

Nu keert hem daer toe mijn zin Dat ic bidde in dit beghin Beede den dorpren enten doren, Ofte si commen daer si horen Dese rijme ende dese woort (Die hem onnutte sijn ghehoort), Dat sise laten onbescauen: Te vele slachten si den rauen Die emmer es al euen malsch. Si maken sulke rijme valsch, Daer si niet meer of ne weten Dan ic doe hoe datsi heeten Die nu in Babilonien leuen. Daden si wel, si soudens begheuen.

Dat en segghic niet dor minen wille: Mijns dichtens ware een ghestille, Ne hads mi eene niet ghebeden Die in groeter houesscheden Gherne keert hare saken. Soe bat mi dat ic soude maken Dese auontuere van Reynaerde. Al begripic die grongaerde Ende die dorpren ende die doren, Ic wille dat die ghene horen Die gherne pleghen der eeren Ende haren zin daer toe keeren Datsi leuen hoofschelike, Sijn si arem, sijn si rike, Diet verstaen met goeden sinne. Nu hoert hoe ic hier beghinne.

Het was in eenen tsinxen daghe, Dat beede bosch ende haghe Met groenen loueren waren beuaen. Nobel die coninc hadde ghedaen Sijn hof crayeren ouer al Dat hi waende, hadde hijs gheual, Houden ten wel groeten loue. Doe quamen tes sconinx houe Alle die diere, groet ende cleene, Sonder vos Reynaert alleene. Hi hadde te houe so vele mesdaen Dat hire niet dorste gaen: Die hem besculdich kent, ontsiet. Also was Reynaerde ghesciet, Ende hier omme scuwedi sconinx hof Daer hi in hadde crancken lof.

Doe al dat hof versamet was, Was daer niemen sonder die das, Hine hadde te claghene ouer Reynaerde, Den fellen metten grijsen baerde.

Nv gaet hier vp eene claghe. Isingrijn ende sine maghe Ghinghen voer den coninc staen. Ysengrijn begonste saen Ende sprac: 'coninc heere, Dor hu edelheit ende dor hu eere Ende dor recht ende dor ghenade Ontfaerme hu miere scade Die mi Reynaert heeft ghedaen, Daer ic af dicken hebbe ontfaen Groeten lachter

You can download, read online, find more details of this full eBook Van den Vos Reynaerde by Unknown from

En converteer het naar het Audioboek met elke stem die je wilt in onze AI Voice AudioBook app.